在播剧《状王之王》中

客串“陈梦吉”嘅陈浩民

从预热阶段就受到大家关注

自2008年《搜神记》后

陈浩民就离开TVB转战内地

继续发展演艺事业

当年佢都係无线当红嘅小生

佢饰演嘅哪吒、段誉等角色

都几得观众欢心

据闻当年佢觉得TVB工资低

所以毅然离巢往内地发展嘅

仲将前东家“刻薄”嘅证据

唱通街添

可以话佢同无线係不欢而散嘅

TVB亦一直都冇搵翻佢嚟拍剧

时隔16年

陈浩民已经儿女成群

喺内地亦有一定知名度

仲出咗唔少代表作添

讲起今次翻嚟拍戏

全因《状王之王》嘅监制林子聪

对佢发出邀约

佢为撑好友就即刻应承啦

大家关心佢今次翻嚟

会唔会狮子开大口咁要价、讲条件

陈浩民就即刻卖乖咁话

冇TVB就冇佢、唔会开条件

只要有需要佢一定会翻嚟哦

究竟当年佢係因为嫌钱少而离巢

定係一直心怀感恩

将TVB当成栽培佢嘅地方

似乎已经冇太多人去追究了

//////////

唔知大家仲记唔记得

因为《新闻女王》

而升呢“视后”嘅佘诗曼

其实係陈浩民嘅旧爱嚟噶

两人因为《情缘汽车机》相识

随后合作《飘忽男女》

挞着之后多次被影到高调亲昵

佘诗曼&陈浩民认爱之后

阿佘赞陈浩民令佢开心、舒服

大家都以为佢哋

可以长长久久嘅时候

两人就因为聚少离多而分开咗

阿佘曾经讲过

佢希望自己喺事业上再冲一下

唔希望只做家庭主妇

而从陈浩民宜家同蒋丽莎

不停生B扩大家庭阵容就知

陈浩民希望另一半以家庭为重

而宜家两人都有自己嘅事业&生活

陈浩民都大大方方话

自己唔抗拒同阿佘合作

唔知道大家是否期待

二人再合作拍剧咧